ଭୁବନେଶ୍ବର: ଧନୀକଙ୍କ ଠାରୁ ଚୋର, ସମସ୍ତଙ୍କ ନିମନ୍ତେ ସୁନା ଏକ ଲୋଭନୀୟ ସାମଗ୍ରୀ। ଅପରାଧ ମଧ୍ୟରେ ସୁନା ଚୋରି ଏକ ନିୟମିତ ଓ ବହୁଳ ଘଟିତ ଘଟଣା। ଏହି କ୍ରମରେ ଜଣେ ଯୁବକ ଏକ ସୁନା ଦୋକାନରୁ ସୁନାଳଙ୍କାର କିଣିବା ଆଳରେ ଆସି ସୁନାବକ୍ସଟି ନେଇ ଦୌଡ଼ି ପଳାଇବାକୁ ଉଦ୍ୟମ କରି ପୁଲିସ ହାତରେ ଧରାପଡ଼ିଛି। ସୂଚନାନୁସାରେ, ଗତକାଲି (ଗୁରୁବାର) ରାତିରେ ଜଣେ ଯୁବକ ସୁନାଦୋକାନକୁ କିଣିବାକୁ ଆସିଥିଲା। ଦୋକାନୀଙ୍କୁ ସୁନାମୁଦି ଦେଖାଇବାକୁ କହିଥିଲା। ଦୋକାନୀ ମଧ୍ୟ ମୁଦି ବକ୍ସ ଖୋଲି ଯୁବକଙ୍କୁ ଦେଖାଇଥିଲେ। ଅନ୍ୟ ଏକ ବକ୍ସ ଆଣିବାକୁ ଟିକିଏ ଅସାବଧାନ ହୋଇଥିଲେ। ଏହି ସୁଯୋଗକୁ ଅପେକ୍ଷା କରିଥିଲା ଯୁବକ। ବକ୍ସଟିକୁ ଧରି ଚମ୍ପଟ ମାରିଥିଲା। ଗହଣା ଦୋକାନୀ ଓ କର୍ମଚାରୀ ଯୁବକ ପଛରେ ଗୋଡ଼ାଇଥିଲେ ମଧ୍ୟ ଧରିବାରେ ସକ୍ଷମ ହୋଇନଥିଲେ। ସୂଚନା ପାଇ ପୁଲିସ ଘଟଣା ସ୍ଥଳରେ ପହଞ୍ଚିଥିଲା। ଦୋକାନର ସିସିଟିଭି ଫୁଟେଜ୍ ଉଦ୍ଧାର କରି ଲୁଟେରାକୁ ଚିହ୍ନଟ କରିବାକୁ ଉଦ୍ୟମ କରିଥିଲା। ଶେଷରେ ବିଭିନ୍ନ ସନ୍ଦିଗ୍ଧ ସ୍ଥାନରେ ଚଢ଼ାଉ କରି ଯୁବକକୁ ଧରିବାରେ ସକ୍ଷମ ହୋଇଛି। ଯୁବକଜଣକ ବ୍ରହ୍ମଗିରିରେ ରାଜେଶ ରାଉତ ବୋଲି ଜଣାଯାଇଛି। ଘଟଣା ସମ୍ପର୍କରେ ଦୋକାନୀ ପ୍ରତିକ୍ରିୟା ଦେଇ କହିଛନ୍ତି, ବକ୍ସରେ ୬୦ ଗ୍ରାମରୁ ଅଧିକ ଓଜନର ୧୮ଟି ମୁଦି ଥିଲା। ଏହାର ଆନୁମାନିକ ମୂଲ୍ୟ ୯ଲକ୍ଷ ଟଙ୍କା ହେବ। ଅପରପକ୍ଷରେ, ଆଗକୁ ଉତ୍ସବ, ବିବାହ ଆଦି ରହିଥିବାରୁ ସୁନାଅଳଙ୍କାର ଦୋକାନ ଭିଡ଼ ହେବା ସମ୍ଭାବନା ରହିଛି। ଏହାର ଆଳରେ ଚୋରଙ୍କ ପ୍ରଦୁର୍ଭାବ ମଧ୍ୟ ବୃଦ୍ଧି ପାଇବା ଆଶଙ୍କା ରହିଥିବାରୁ ସତର୍କ ରହିବାକୁ ପୁଲିସ୍ ଚେତାଇ ଦେଇଛି।
Breaking News
- ପାକିସ୍ତାନରେ ଆର୍ଥିକ ସଙ୍କଟ: ଦାରିଦ୍ର୍ୟ ହାର ବଢ଼ି ୨୮.୯% ଛୁଇଁଲା, ଶିକ୍ଷା ବଜେଟରେ ୨୩% ହ୍ରାସ: ପାକିସ୍ତାନର ସାମ୍ପ୍ରତିକ ଅର୍ଥନୈତିକ ସ୍ଥିତିକୁ ନେଇ ଏକ ଚିନ୍ତାଜନକ ଚିତ୍ର ସାମ୍ନାକୁ ଆସିଛି। ଦେଶର ମୁଦ୍ରାସ୍ଫୀତି, ଆର୍ଥିକ ଅସମାନତା ଏବଂ ଦୈନନ୍ଦିନ ଅତ୍ୟାବଶ୍ୟକ ସାମଗ୍ରୀର ଆକାଶଛୁଆଁ ମୂଲ୍ୟ ଯୋଗୁଁ କ୍ରମାଗତ ଭାବେ ଲୋକଙ୍କ କ୍ରୟ ଶକ୍ତି ହ୍ରାସ ପାଇବାରେ ଲାଗିଛି।
- ଏନଇଇଟି ପେପର ଲିକ୍ ପ୍ରସଙ୍ଗରେ ବିଜେପି ବିରୋଧରେ ଦେଶବ୍ୟାପୀ ପ୍ରତିବାଦ କରିବେ ରାହୁଲ ଗାନ୍ଧୀ: ଜୁନ୍ ୧୭ରୁ କୋଟାରୁ ଆରମ୍ଭ: କଂଗ୍ରେସ ମହାସଚିବ କେସି ଭେନୁଗୋପାଳ କହିଛନ୍ତି ଯେ, ରାହୁଲ ଗାନ୍ଧୀ ଦେଶର ଛାତ୍ରଛାତ୍ରୀ ଏବଂ ଯୁବପିଢ଼ିଙ୍କ ସବୁଠାରୁ ବିଶ୍ୱସ୍ତ ଏବଂ ବିଶ୍ୱସନୀୟ ସ୍ୱର ଭାବରେ ଉଭା ହୋଇଛନ୍ତି।
- ଗଣ ଇସ୍ତଫା ଆହ୍ବାନ ଦେବାପରେ ଟିଏମସି ବିଧାୟକ ମଦନ ମିତ୍ରାଙ୍କ ବାସଭବନରେ ଇଡି ଚଢ଼ଉ: ପଶ୍ଚିମବଙ୍ଗରେ ଏବେ ରାଜନୈତିକ ତାତି ପ୍ରବଳ ବେଗରେ ବଢ଼ିଯାଇଛି। ତୃଣମୂଳ କଂଗ୍ରେସର ନେତାମାନେ ଏବେ ଇଡି ( ପ୍ରବର୍ତ୍ତନ ନିର୍ଦ୍ଦେଶାଳୟ) ଚଢ଼ଉ ଠାରୁ ଆରମ୍ଭ କରି ସିଆଇଡି ତଦନ୍ତ ସାମ୍ନା କରୁଛନ୍ତି।
- କାଦୋପଡ଼ାରେ ସୋଲାର ପ୍ଲାଣ୍ଟକୁ ବିରୋଧ କରି ବୈଠକ: ମରିବୁ ପଛେ ଭିଟା ମାଟି ଛାଡ଼ିବୁ ନାହିଁ ବୋଲି ଚେତାବନୀ: ବୈଠକରେ ସମସ୍ତଙ୍କ ସହମତିରେ ମରିବୁ ପଛେ ଭିଟା ମାଟି ତଥା ଜମି ଛାଡ଼ିବୁ ନାହିଁ, ଦରକାର ପଡ଼ିଲେ ଲଢେ଼ଇ କରିବୁ ବୋଲି ଚେତାବନୀ ଦେଇଛନ୍ତି। ଆଗାମୀ ଦିନରେ ତହସିଲ କାର୍ଯ୍ୟାଳୟକୁ ଘେରାଉ କରାଯିବ ବୋଲି ବୈଠକରେ ସ୍ଥିର ହୋଇଛି ।
- ପ୍ରଧାନମନ୍ତ୍ରୀଙ୍କ ଫ୍ରାନ୍ସ-ସ୍ଲୋଭାକିଆ ଗସ୍ତ: ଜି-୭ ସମ୍ମିଳନୀରେ ଯୋଗଦେବେ, ପ୍ରତିରକ୍ଷା ସହଭାଗୀତା ଉପରେ ଗୁରୁତ୍ବାରୋପ: ଉଭୟ ଦେଶ ସହିତ ଦ୍ୱିପାକ୍ଷିକ ଆଲୋଚନା କରିବା ସହିତସେ ଜି-୭ ଶିଖର ସମ୍ମିଳନୀରେ ଯୋଗଦେବେ। ବୈଦେଶିକ ମନ୍ତ୍ରଣାଳୟ ଅନୁଯାୟୀ, ଏହି ଗସ୍ତ ବିଶ୍ୱସ୍ତରୀୟ ଚ୍ୟାଲେଞ୍ଜର ମୁକାବିଲା ଏବଂ ରଣନୈତିକ ସହଭାଗୀତାକୁ ଆହୁରି ମଜବୁତ କରିବାରେ ଭାରତର ଏକ ପ୍ରମୁଖ ପଦକ୍ଷେପ ହେବ ବୋଲି କୁହାଯାଉଛି।
- dsfkds hfkjhsdkjfds
ରାଜ୍ୟ
କିଣିବାକୁ ଆସିଥିଲେ, ଗହଣା ବକ୍ସ ନେଇ ଚମ୍ପଟ ମାରିଲେ ଯୁବକ
