ମାଲକାନଗିରି: ମାଲକାନଗିରି ଜିଲ୍ଲାସ୍ବାଭିମାନ ଅଞ୍ଚଳର ପୂର୍ବତନ ସରପଞ୍ଚ ଲକ୍ଷ୍ମୀବାଇ ଚନ୍ଦ୍ରମା ଦିନେ ଜୀବନକୁ ବାଜି ଲଗାଇ ଅଞ୍ଚଳର ବିକାଶଧାରାକୁ ବାଟ କଢ଼ାଇଥିଲେ। ଯେତେବେଳେ ନକ୍ସଲ ଭୟରେ ସାରା ଅଞ୍ଚଳ ଥରହର ଥିଲା, ଚନ୍ଦ୍ରମା ନକ୍ସଲଙ୍କ ବିରୋଧରେ ହୁଙ୍କାର ଦେଇ ସରକାରଙ୍କ ବିକାଶମୂଳକ କାର୍ଯ୍ୟକୁ ସମର୍ଥନ କରିଥିଲେ। ଏଥିପାଇଁ ତାଙ୍କୁ ବହୁମୂଲ୍ୟ ଦେବାକୁ ପଡ଼ିଛି। ନକ୍ସଲଙ୍କ ପ୍ରଜାକୋର୍ଟରେ ୩ ଥର ଦଣ୍ଡିତ ହେବା ସହ ପ୍ରାଣାନ୍ତକ ଆକ୍ରମଣର ଶିକାର ହୋଇଛନ୍ତି। ନକ୍ସଲରାଜ୍ ହଟିଲା ଓ ବିକାଶଧାରାକୁ ଫେରିଲା ସ୍ବାଭିମାନ ଅଞ୍ଚଳ। ହେଲେ ନକ୍ସଲଙ୍କ ବିରୋଧରେ ଲଢ଼ି ବିକାଶକୁ ବାଟ କଢ଼ାଇଥିବା ଚନ୍ଦ୍ରମା ଏବେ ପକ୍ଷାଘାତରେ ପୀଡ଼ିତ ହୋଇ ଶଯ୍ୟାଶାୟୀ। ଚିତ୍ରକୋଣ୍ଡାର ଏକ ଗଳିରେ ଭଙ୍ଗାଦଦରା ଘରେ ଅତ୍ୟନ୍ତ ଦୟନୀୟ ଭାବେ ଚନ୍ଦ୍ରମାଙ୍କ ଦିନ କଟୁଛି। ତାଙ୍କୁ ଏଯାବତ୍ କୌଣସି ସରକାରୀ ସହାୟତା ମିଳିନାହିଁ। ଚିକିତ୍ସା ପାଇଁ ଆର୍ଥିକ ପ୍ରୋତ୍ସାହନ ଯୋଗାଇବାରେ ବିଫଳ ହୋଇଛି ପ୍ରଶାସନ। ଶଯ୍ୟାଶାୟୀ ଚନ୍ଦ୍ରମା ଠିକ ଭାବରେ କଥା ହୋଇ ପାରୁନାହାନ୍ତି। ୨୦୧୧ ପୂର୍ବରୁ ସ୍ବାଭିମାନ ଅଞ୍ଚଳକୁ ନିଜ କବ୍ଜାକୁ ନେଇ ଯାଇଥିଲେ ନକ୍ସଲ। ତତ୍କାଳୀନ ଜିଲ୍ଲାପାଳ ଭିନିଲ କ୍ରିଷ୍ଣାଙ୍କୁ ଅପହରଣ ସହିତ ଅନେକ ବଡ଼ ହିଂସା ଘଟାଇଥିଲେ। ନକ୍ସଲଙ୍କ କାନୁନ ଚାଲୁଥିବା ସ୍ବାଭିମାନ ଅଞ୍ଚଳର ବିକାଶ ପାଇଁ ସେତେବେଳେ ଆଗକୁ ଆସିଥିଲେ ଚନ୍ଦ୍ରମା। ନକ୍ସଲଙ୍କ ବିରୋଧ ସତ୍ତ୍ବେ ୨୦୧୨ ପଞ୍ଚାୟତ ନିର୍ବାଚନରେ ଅଣ୍ଡ୍ରାପାଲୀ ସରପଞ୍ଚ ଭାବେ ଲଢ଼ି ବିଜୟୀ ହୋଇଥିଲେ। ନକ୍ସଲଙ୍କ ଧମକକୁ ଖାତିର ନକରି ରାସ୍ତା, ପାଣି, ସ୍ବାସ୍ଥ୍ୟସେବାର ବିକାଶ ସହ ହିତାଧିକାରୀଙ୍କୁ ଭତ୍ତା, ଆବାସ ପ୍ରଦାନ ଯୋଜନାର ନେତୃତ୍ବ ନେଇଥିଲେ। ନକ୍ସଲ ଚନ୍ଦ୍ରମାଙ୍କୁ କାବୁ କରି ପ୍ରାଣାନ୍ତକ ଆକ୍ରମଣ କରିଥିଲେ। ବହୁ ଦିନ ଧରି ମାଲକାନଗିରି ମେଡିକାଲରେ ଚିକିତ୍ସିତ ହୋଇ ଫେରିଥିଲେ ଚନ୍ଦ୍ରମା। ନକ୍ସଲ ଚନ୍ଦ୍ରମାଙ୍କୁ ଧମକ ଦେଇଥିଲେ, ଅଣ୍ଡ୍ରାପାଲୀ ଆସିଲେ ଏଠାରୁ ତାଙ୍କ ଶବ ଉଠିବ। ତେଣୁ ସ୍ବାମୀ ଓ ପରିବାର ଲୋକ ଚନ୍ଦ୍ରମାଙ୍କୁ ଆଉ ଅଣ୍ଡ୍ରାପାଲୀ ନ ନେଇ ଚିତ୍ରକୋଣ୍ଡାରେ ରହିଥିଲେ। ଏବେ ଭଙ୍ଗା ଆଜ୍ବେଷ୍ଟସ୍ ଘରେ ସ୍ବାମୀ ଧନୀ ଓ ପୁଅଙ୍କ ସହ ରହୁଛନ୍ତି ଚନ୍ଦ୍ରମା। ଘର ମରାମତି କରି ପାରୁନଥିବାରୁ ବର୍ଷା ହେଲେ ଆଣ୍ଠୁଏ ପାଣି ଜମୁଛି। ସ୍ବାମୀ ଧନୀ କୁଲି କାମ କରିବା ସହ କାଠ ହାଣି ବିକ୍ରି କରି ପରିବାର ଚଳାଉଛନ୍ତି। ପୁଅ ଦଶମ ପରେ ପାଠଛାଡ଼ି ଦେଇଥିବା ବେଳେ ଦୁଇ ଝିଅଙ୍କର ଅକାଳ ବିୟୋଗ ହୋଇଛି।
Breaking News
- ନିଲମ୍ବିତ ଆଇଆଇସି ସଂଧ୍ୟାରାଣୀ ଜେନାଙ୍କ ନାଁରେ ରୁଜୁ ହେଲା ମାମଲା: କେନ୍ଦ୍ରାପଡ଼ା: ନିଲମ୍ବିତ ଆଇଆଇସି ସଂଧ୍ୟାରାଣୀ ଜେନାଙ୍କ ନାଁରେ ରୁଜୁ ହେଲା ମାମଲା। କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ତାଳଚୁଆ ସାମୁଦ୍ରିକ ଥାନାରେ ମାମଲା ରୁଜୁ କରିଛି ପୁଲିସ୍।
- ପାରାଦୀପ ଅବକାରୀ ଇନ୍ସପେକ୍ଟର ନିଲମ୍ବିତ: ମହଙ୍ଗା ପଡ଼ିଲା ଡ୍ୟୁଟିରେ ଅବହେଳା: କାହାକୁ ନ ଜଣାଇ ଅନୁପସ୍ଥିତ ରହିବା, ଡ୍ୟୁଟିରେ ଅବହେଳା କରିବା ଘଟଣାକୁ ନେଇ ପାରାଦୀପ ଅବକାରୀ ଇନ୍ସେପେକ୍ଟର ବନ୍ଦନା ପଟ୍ଟନାୟକଙ୍କୁ ମହଙ୍ଗା ପଡ଼ିଛି। ଜିଲ୍ଲାପାଳଙ୍କ ସୁପାରିଶ ଆଧାରରେ ଅବକାରୀ କମିସନର ଇନ୍ସପେକ୍ଟର ବନ୍ଦନା ପଟ୍ଟନାୟକଙ୍କୁ ଚାକିରିରୁ ନିଲମ୍ବିତ କରିଛନ୍ତି।
- ମହାନଦୀ ସେତୁରୁ ଡେଇଁ ମହିଳାଙ୍କ ଆତ୍ମହତ୍ୟା ଉଦ୍ୟମ: ସୋନପୁର-ସମ୍ବଲପୁର ରାସ୍ତାର ମହାନଦୀ ସେତୁରୁ ଜଣେ ମହିଳା ନଦୀ ଗର୍ଭକୁ ଡେଇଁ ଆତ୍ମହତ୍ୟା ଉଦ୍ୟମ କରିଛନ୍ତି। ସୌଭାଗ୍ୟ ବଶତଃ ପାଣିରେ ପଡ଼ିଥିଲେ।
- ହିମାଚଳ ପ୍ରଦେଶରେ ୫୦୦ ମିଟର ଗଭୀର ଖାଇକୁ ଖସିଲା ପର୍ଯ୍ୟଟକ ଗାଡ଼ି, ୮ ମୃତ: ହିମାଚଳ ପ୍ରଦେଶର ଚାମ୍ବା ଜିଲ୍ଲାରେ ଏକ ପର୍ଯ୍ୟଟକ ଗାଡ଼ି ନିୟନ୍ତ୍ରଣ ହରାଇ ପ୍ରାୟ ୫୦୦ ମିଟର ଗଭୀର ଖାଇକୁ ଖସିପଡ଼ିବା ଫଳରେ ୮ ଜଣ ଲୋକଙ୍କର ମୃତ୍ୟୁ ଘଟିଛି ଏବଂ ଜଣେ ଏବେବି ନିଖୋଜ ଅଛନ୍ତି।
- ଗାଡ଼ି ଧକ୍କାରେ ଜଣେ ମୃତ, ୧ ଗୁରୁତର: ସୁନ୍ଦରଗଡ଼: ହେମଗିର ଥାନା ଟପରିଆ ନିକଟରେ ମଙ୍ଗଳବାର ବିଳମ୍ଵିତ ରାତିରେ ଏକ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ଯୁ ହୋଇଯାଇଛି। ମୃତକ ହେଲେ ହିମାଂଶୁ ବାରିକ। ସେ ହେମଗିର ବ୍ଲକ୍ ବିଜେପି ନେତା ତଥା ଋଷିଗୁମ୍ଫା ଉନ୍ନୟନ ସମିତି ସଭାପତି ମାଧବ ବାରିକଙ୍କ ସାନ ପୁଅ। ହିମାଂଶୁ ଟ୍ରକ ପରିବହନ ସମ୍ପର୍କରେ ବୁଝି ରାତିରେ ଜଣେ ସାଙ୍ଗ ସହ ବୁଲେଟରେ ଘୋଘରପାଲି ଘରକୁ ଫେରୁଥିଲେ। ଟପରିଆ ନିକଟରେ ଦୁର୍ଘଟଣା ହୋଇଥିଲା। ଧକ୍କା ଏତେ ଜୋର୍ ଥିଲା ଯେ ବୁଲେଟ ଖଣ୍ଡବିଖଣ୍ଡ ହୋଇ ଯାଇଥିଲା। ଦୁର୍ଘଟଣା ପରେ ସ୍ଥାନୀୟ ଲୋକେ ଦୁହିଁଙ୍କୁ ଉଦ୍ଧାର କରି ହେମଗିର ଡାକ୍ତରଖାନା ନେଇଥି
- ଓଡ଼ିଶା ଜିମ୍ନାଷ୍ଟ ପ୍ରୀତିଙ୍କ ବିରଳ ସଫଳତା : ଭୁବନେଶ୍ବର: ଓଡ଼ିଶା ଜିମ୍ନାଷ୍ଟ ପ୍ରୀତି ଝଙ୍କାର ଏକ ବିରଳ ସଫଳତା ହାସଲ କରିଛନ୍ତି। ପ୍ରଥମ ଭାରତୀୟ ମହିଳା ଭାବେ ସେ ବିଶ୍ବ ଜିମ୍ନାଷ୍ଟିକ୍ସ ସ୍କଲାର୍ସିପ୍ ହାସଲ କରିଛନ୍ତି। ଏହି ସ୍କଲ୍ରସିପ୍ ଲାଗି ବିଶ୍ବର ୨୦ ଦେଶର ଜିମ୍ନାଷ୍ଟଙ୍କ ମଧ୍ୟରୁ ମାତ୍ର ୧୨ ଜଣଙ୍କୁ ଚୟନ କରାଯାଇଥିବାବେଳେ ସେମାନଙ୍କ ମଧ୍ୟରେ ପ୍ରୀତି ରହିଛନ୍ତି। ଏହି ସଫଳତା ପାଇଁ ଓଡ଼ିଶାର କ୍ରୀଡ଼ା ବିଭାଗ ପକ୍ଷରୁ ପ୍ରୀତିଙ୍କୁ ଅଭିନନ୍ଦନ ଜଣାଇବା ସହ ବିଶ୍ବ ମଞ୍ଚରେ ଏହା ତାଙ୍କର ଅତୁଳନୀୟ ପ୍ରତିଭାକୁ ଦର୍ଶାଉଛି ବୋଲି କୁହାଯାଇଛି। ‘ଏକ୍ସ’ରେ ଏକ ପୋଷ୍ଟ ମାଧ୍ୟମରେ କ୍ରୀଡ଼ା ବିଭାଗ ଲେଖିଛ
- ରଙ୍ଗମାଟିଆରେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର: ଭୁବନେଶ୍ବର: ମଞ୍ଚେଶ୍ୱର ରଙ୍ଗମାଟିଆରେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର। ଘଟଣାସ୍ଥଳରେ ମଞ୍ଚେଶ୍ୱର ପୁଲିସ। କାରଣ ଅସ୍ପଷ୍ଟ।
- ବାଙ୍ଗଲାଦେଶୀ ନୁହନ୍ତି ଭାରତୀୟ: ଭୋଟ ଦେବା ଅଧିକାର ନାହିଁ, ସରକାରୀ ସହାୟତା ବି ନାହିଁ: ରାଜ୍ୟରେ ଚାଲିଛି ଡବଲ ଇଂଜିନ ସରକାର। ସରକାରଙ୍କ ପକ୍ଷରୁ ସମସ୍ତଙ୍କୁ ପ୍ରଧାନମନ୍ତ୍ରୀ ଘର ଯୋଗାଇବା ସହିତ କାହାରିକୁ ଅନାହାରରେ ରହିବାକୁ ନଦେବାକୁ ପ୍ରତିଶ୍ରୁତି ପ୍ରଦାନ କରିଛନ୍ତି।
- ଉତ୍ତର ପ୍ରଦେଶ: ଭୟଙ୍କର ଝଡ଼ ଯୋଗୁ ଭାଙ୍ଗିଗଲା ନିର୍ମାଣାଧୀନ ପୋଲ , ୬ ଶ୍ରମିକଙ୍କ ମୃତ୍ୟୁ:ଉତ୍ତର ପ୍ରଦେଶରେ ବିଳମ୍ବିତ ରାତିରେ ଭୟଙ୍କର ଝଡ଼ ଆସି ବେତୱା ନଦୀ ଉପରେ ନିର୍ମାଣ ହେଉଥିବା ସେତୁଟି ଭାଙ୍ଗି ପଡ଼ିବା ଯୋଗୁ ୬ ଶ୍ରମିକଙ୍କର ମୃତ୍ୟୁ ହୋଇଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୃତକଙ୍କ ପରିବାର ପ୍ରତି ସମ୍ବେଦନା ପ୍ରକାଶ କରିଛନ୍ତି।
- dsfkds hfkjhsdkjfds
ବିଶେଷ
ଭୁଲିଗଲା ପ୍ରଶାସନ, ଭଙ୍ଗାଘରେ ଜୀବନ: ସ୍ବାଭିମାନ ଅଞ୍ଚଳର ଆଇରନ୍ ଲେଡି ଚନ୍ଦ୍ରମା ଶଯ୍ୟାଶାୟୀ
.jpg)
.jpg)
